Saturday, October 5, 2019

DIE DWARA CHUDI KATNE KI WIDHI Diesel Mechanic

Hello dosto aapka swagat hai mere blog par aaj mai bahut dino ke bad blog likh raha hu mera motive tha ki mai roj blogging karu lekin kuchh samasyao ke karan mai post nahi likh pa raha tha isse pahle maine aapke liye ek post likha tha Dies Kya Hai ke nam se agar aapne wo post nahi padha hai to post ko padh le kyoki aaj mai aapko isi Die ke dwara chudi katne ki widhi ke bare me btane wala hu..






Die ke dwara chudi kis prakar ke steps aapko karne hote hai wah is prakar hai..
  1. Dekhiye jab ham kisi die ke dwara chudi katate hai to sbase pahle hame kis prakar ki chudi katni hai ise pahle se taiyar kar lete hai aur jis rod par chudi katni hai uske size ko bhi adjust kar lete hai.
  2. Jis rod me chudi katni hoti hai uska upri bhag yani ki jaha se ham chudi katna chahte hai vah sira thoda sa sakra hona chahiye jise ham chamfer hona kahte hai. ese karne se chudi katne me aasani hoti hai.
  3. Chudi katne se pahle us rod ya pipe ko kisi Clamp ya Vise me kas kar jakad dena chahiye taki jhatke ke samay ya chudi katate samay vah hile nahi.
  4. Jab ham kisi pipe ya rod me chudi katate hai to Die Stoke me Die ko sahi sthiti me pakadna chahiye nahi to vah hil jata hai jiske karan chudi achchhe se nahi cut pati hai.
  5. Die ko jab ham ghumate hai to use balance karke ghumana chahiye aur uske handle ko bhi balance karke pakadna chahiye tatha use dabana bhi jaruri hota hai kyoki bina dabaye wah aage nahi badhata hai.
  6. Jab  ham Die ko ghuma rahe hote hai to hame ise bich bich me thoda se uper niche karna chahiye isse kya hota jo lohe ke tukde hote hai wah niche gir jata hai.
  7. Jab ham job ki cutting karte hai to hame lubricant ki aawasykata hoti hai jisse aasani se job ki cutting ho sake to iske liye hame Job ke anusar lubricant ka prayog karna chahiye.
  8. Kisi job par gahari chudi prapt karne ke liye hame job par die ko do se teen bar chalana chahiye jisse ki chudi gahari cut jati hai aur aur ise adjust karke hi chalana chahiye aur iske sahi size ko check karne ke liye grade gun ka use karna chahiye.
  9. aur is prakar ki prakriya puri ho jane ke bad die ke dwara jis job me chudi nikali gaee hai us job ko metal brush ya tar ke bane brush se saf karna chahiye.






conclusion :- 
Job ki cutting karte samay bahut jyada sawdhani baratne ki aawashyakta hoti hai kyoki isse job kharab hone ki sambhwna bahut jyada hoti hai.

Is prkar yah prakriya purna ho jati hai agle post me maine aapko bataya hai cutting tool reamers ke bare me milte hai agle post reamer kya hai ke sath.

No comments:

Post a Comment

Thanks for tip